1 сент. 2016 г.

Стыпендыяльная праграма Chevening абвяшчае прыём заявак на атрыманне стыпендыі

Брытанскі ўрад абвяшчае прыём заявак на атрыманне стыпендыі Chevening, якая лічыцца адной з самых прэстыжных узнагарод для замежных студэнтаў і студэнтак.
Стыпендыя дазваляе атрымаць ступень магістра ў любым вядучым універсітэце Вялікабрытаніі і далучыцца да ўплывовай глабальнай супольнасці стыпендыятаў і стыпендыятак, якая сёння налічвае больш за 46 000 чалавек.
На 2017-2018 навучальны год стыпендыю атрымаюць каля 1 500 кандыдатаў і кандыдатак. Працягласць навучання (і, адпаведна, стыпендыяльнай праграмы) – 1 год.
Абраныя кандыдаты/кандыдаткі вызначаюцца ў адпаведнасці з іх лідарскімі якасцямі, дасягненнямі, акадэмічнымі і прафесійнымі кваліфікацыямі і валоданнем ангельскай мовай. Перавага будзе на баку амбіцыйных і мэтанакіраваных прафесіяналаў/прафесіяналак, якія плануюць жыць і працаваць у Беларусі і маюць намер укараняць змены і развіваць краіну.
Патрабаванні:
  • (узроставых абмежаванняў няма);
  • беларускае грамадзянства (кандыдаты/кандыдаткі павінны жыць у Беларусі на момант падачы заяўкі);
  • абавязковае вяртанне дадому прынамсі на 2 гады пасля заканчэння вучобы па стыпендыі;
  • наяўнасць навуковай ступені, адпаведнай патрабаванням для паступлення ў абраную навучальную ўстанову;
  • дзве рэкамендацыі, якія неабходна прадставіць на этапе падачы заяўкі;
  • падцвердзіць свабоднае валоданне ангельскай мовай да 13 ліпеня 2017 года;
  • падаць заяўкі на тры курсы навучання і атрымаць хаця б адно безумоўнае падцверджаннеда 13 ліпеня 2017 года;
  • пажадана мець не менш за двухгадовы досвед у абранай вобласці (добраахвотная праца і стажыроўкі залічваюцца таксама).
Фінансавыя ўмовы
Стыпендыя пакрывае падарожжа да Вялікабрытаніі і ў зваротны бок, кошт навучання ў магістратуры і пражыванне.

Працэс падачы заявак:
  • падаваць заяўку трэба анлайн, па электроннай сістэме Chevening;
  • заяўкі будуць прымацца да 8 лістапада 2016 года.
Дадатковую інфармацыю пра крытэры адбору і ўмовы атрымання стыпендыі можна адшукаць на сайце стыпендыяльнай праграмы.
Паводле Adukacyja.Info


Комментариев нет:

Отправить комментарий